cahier des prescriptions spéciales

 1) أشنو هو CPS  : 

اولا قبل كل شي واحد السلام عليكم  . نبداو على براكة الله

أسيدي CPS هو cahier des prescriptions spéciales لي هيا واحد الكونطرا بين صاحب المشروع أي maître d'ouvrage  و الشركة المكلفة بإنجاز الأشغال و هاد الكونطرا أسيدي هي عبارة على document  فيه بزاف ديال les articles لي خاص الشركة تلتزم بيهم و تطبقهم حرفيا و تحتارمهم  باش تبقى الريوس مرتاحة  إدا فهمتوا الشباب شنو هو مفهوم الشخص : هو هو  (الفلسفة)   بغيت نقول CPS  ؟ 

2) شنو هو الدور ديال هاد العجب ( CPS ) : 

دور ديال هاد CPS أسيدي هو أن المقاول لازم يعليه يحتارم التنفيذ ديال جميع الأشغال لي عندو فالمارشي بداكشي لي مطلوب منو فالوصف متلا تخدم بالرملة ديال الواد بدون موافقة Laboratoire أو صاحب المشروع لا أسيدي طبق طبق معايا القانون و خدم معقول متال آخر. ماشي أنا عاطيك ماركة ديال روبيني لي طالع فالجودة  و نتا تجيب ليا ماركة رديئة و دوزها عليا لا أسيدي حتارم ليا cps و طبق داكشي لي عندك ( هدا غير متال ديال روبيني  طبقوا نتا على زليج و المرطوب . الألومنيوم..... ) و كدلك من بين الأشياء لي لازم على الشركة تحتارمهم هي Délai. لازم على الشركة تكمل الأشغال فحدود واحد المدة زمنية محددة . غتقولي أخويا زهير و لا مكملتهاش فالأجل المحدد ؟ أسيدي لا مكملتهاش فديك المدة الزمنية غادي ينزل عليها صاحب المشروع بالخطية ( les pénalités ) . ...... إدا هادوا من بين الأدوار لي كينفع فيهم Cps. را كين بزاف لكن إلى جينا نهظرو على كلشي مغنساليوش . أنا عطيتك فكرة باش ميبقاش عندك داك الغموض ❤️ . 

3) شنو هوما الأجزاء ديال CPS أي المكونات ديالوا ؟ 

أسيادنا CPS كيتكون من 3 أجزاء مهمين : 

-) الجزء رقم 1 ( cahier des clause  administratives et financières ) .

أسيدي هدا هو الجزء اللول ديال CPS و لي كيتكون بالدور ديالوا من واحد المجموعة من البنود غنحاولو ناخدو أمتلة منها : l'engagement لي فيه جميع المعلومات ديال الشركة سمية Cnss لعيبات  ..... 😅😅 و كدالك كيكون فيها l'objet ديال داك المارشيي. كدلك كيكونو فيه les pénalités de retard لي هضرنا عليهم فاللول يعني شحال القيمة أي النسبة المئوية ديالهم و هاد الجزء الأول أسيدي كتحطو الإدارة لي هو ل maître douvrage إدا هادو بعد الأمتلة من دوك les articles لي كتلقاو فاالجزء الأول غتقولي أخويا زهير منين كيجيبوا هاد القوانين ؟ أسيدي هاد القوانين كنجيبوها من CCAG-T . خلاصة القول هاد  cahier clauses administratives هوما القوانين لي كيحلو المشاكل بين صاحب المشروع و الشركة المكلفة بإنجاز الأشغال لا قدر الله و ناضت صباط بياناتهم 😅😂😂 ....

-الجزء رقم 2  ( cahier des clauses techniques )  لي كتكون حتى هيا من 2 أجزاء : 

*) cahier des prescriptions techniques 

أسيدي هاد الجزء كيتكلم لينا على جميع الأمور التقنية لي لازم على المقاول يحتارمها متلا la qualité dyal matériau ماشي غي أجي و خدم بأي رملة و لا كاياس لا أسيدي خاصك أي حاجة جبتيها خاص maître d'ouvrage يوافق عليها و باش يوافق عليها خاصك تديها ل laboratoire âgée يوافق ليها عاد ديك ساعة تقدر تخدم بيها . و كتلقى حتا طريقة إنجاز الأشغال ناخدو متال ديال béton كيقوليك أسيدي ضروري تستعمل ليا كوفراج نقي و عندوا كاليطي زيينة ماشي غا أجي و لصق و كب و كتلقى حتا لمدة ديال décoffrage 😅😅 يعني من اللخر را معندك فين دور و لا تسرق 😅 خاص غي المراقبة تكون ناضية باش مايتظلم لا المقاول لا صاحب المشروع . و كتلقى كدلك façonnage dyal l7did و كدلك la mise en oeuvre des bétons يعني متلا كيقوليك أودي ملي تكون كتكولي را ضروري خاصك  ديبرور  😅 ( vibreur ) كدالك كيوضح ليك les essais dyal laboratoire  بحال Analyse granulométrique يعني هادشي طبقوا على Revêtement و étanchéité و menuiserie .... مهم را كين بزاف هادوا غي بعد الأمتلة باش تفهمو le principe ....

من بعد أسيدي كتلقى

*) descriptif technique des ouvrages

 فهاد الجزء من cps كيجي كيزيد يوضح ليك كتر يعني كيزيد يشرح ليك كل article من البروجي بطريقة مدققة و بالتفصيل و أكتر وضوح و كتكون مع كل وصف ل  unité باش كيتحسب و كيفاش غادي تخلص عليه. متلا ناخدو متال ديال article revêtement يعني متلا كتجي لرخام كتلقاه عاطيك épaisseur ديالوا متلا 2.5 cm و كيجي كيقوليك أودي هاد الرخام را متخدمش بيه حتا يوفق ليك عليه صاحب المشروع و أرشيطيكت. و  كيقوليك فاللخر أودي هاد الرخام راك غادي تخلص فيه ب m2 يعني حدد ليك الوحدة . نزيدو واحد المتال باش تفهموا كتر نمشيو ل plomberie كتلقى أرتيكل سميتو Siphon de sol يعني بالدارجة القرقارة😂😅 هنا أسيدي كتلقاه عاطيك الأبعاد دياولوا و المادة مناش كيتكون متال  20cm x 20cm  و يديرو ليا من البرونز 😂 و كيجي فاللخر كيقوليك أودي هاد القرقارة 😂 را غنخلصك فيها ب l'unité يعني بالوحدة ركبتي 2 غتخلص بزوج يعني ماشي ب m2 و داخل فيها تركاب و كلشي و هاد الجزء كيقادو مكتب دراسات و الأرشيطيكت و غالبا مكتب الدراسات لي كيقادوا بوحدوا  😅... 

هدا مكان بالنسبة لهاد الجزء .

.) الجزء الأخير لي هو Bordeaux des prix & détail estimatif 

هاد البوردورو أسيدي هو عبارة على واحد الطابلو كيكونو فيه جميع les articles لي غيتخدموا ف داك البروجي يعني كيكونو سميات ديالهم مع la quantité ديال كل أرتيكل لي كنحسبوها عن طريق métré و كدلك كتلقى فيه prix unitaire ديال كل أرتيكل و prix totale ديال داك أرتيكل يعني prix unitaire × Qté و فالأخير كتلقى الكلفة الإجمالية ديال المشروع TTC يعني داخلة فيها TVA  .....